ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អនាគតប្រធានាធិបតីឥណ្ឌូណេស៊ី ជួបពិភាក្សារឹតចំណងសហប្រតិបត្តិការទ្វេភាគីជាមួយនាយករដ្ឋមន្រ្តីជប៉ុន

  • ចុះផ្សាយថ្ងៃទី០៣ ខែមេសា ឆ្នាំ២០២៤ ម៉ោង ១៧:១៤ នាទី ដោយ Mesa
  • 1881
  Aa |   aA

ជប៉ុន៖ បេក្ខជនជាប់ឆ្នោត និងជាអនាគតប្រធានាធិបតីឥណ្ឌូណេស៊ី លោក Prabowo Subianto កំពុងបំពេញទស្សនកិច្ចនៅឯប្រទេសជប៉ុននាថ្ងៃទី០៣ ខែមេសា ឆ្នាំ២០២៤នេះ។ ក្នុងជំនួបជាមួយនាយករដ្ឋមន្ត្រីជប៉ុន លោក Fumio Kishida ប្រធានាធិបតីដែលនឹងចូលកាន់តំណែងនាខែតុលាខាងមុខនេះថ្លែងថា លោកចង់ឱ្យមាននូវកិច្ចសហប្រតិបត្តិការផ្នែកសន្តិសុខ និងសេដ្ឋកិច្ចកាន់តែស៊ីជម្រៅបន្ថែមទៀតជាមួយជប៉ុន។ គួរបញ្ជាក់ថា កិច្ចពិភាក្សារវាងមេដឹកនាំជប៉ុន និងឥណ្ឌូណេស៊ីនេះធ្វើឡើង ក្រោយលោក Prabowo Subianto ទើបបញ្ចប់ជំនួបជាមួយប្រធានាធិបតីចិន លោក Xi Jinping ក្នុងគោលបំណងរឹតចំណងមិត្តភាពកាលពីថ្មីៗនេះ។ 

លោក Prabowo ថ្លែងប្រាប់លោក Kishida ក្នុងកិច្ចពិភាក្សាកំពូលមួយថា៖ "កន្លងមក យើង (ឥណ្ឌូណេស៊ី និងជប៉ុន) បានកសាងទំនាក់ទំនងសហប្រតិបត្តិការឆ្ពោះទៅមុខរួមគ្នា ហើយខ្ញុំមានគោលបំណងចង់ពង្រឹងវាបន្ថែមទៀត"។ គួរបញ្ជាក់ថា កន្លងមកលោក Prabowo បានបង្ហាញពីគោលការណ៍នៃការប្តេជ្ញាចិត្តរបស់់ឥណ្ឌូណេស៊ីទៅលើគោលនយោបាយមិនចូលបក្សសម្ព័ន្ធ ប៉ុន្តែនៅដើមខែមេសានេះ លោកបានចាប់ផ្តើមដំណើរទស្សនកិច្ចផ្ទាល់ខ្លួនទៅកាន់ប្រទេសចិន និងជប៉ុនដែលជាដំណើរទស្សនកិច្ចដំបូងបង្អស់របស់លោក រាប់ចាប់តាំងពីការឈ្នះឆ្នោតប្រធានាធិបតីកាលពីខែកុម្ភៈ។ 

បច្ចុប្បន្ននេះទាំងចិន និងជប៉ុន កំពុងងាកមកផ្តោតលើកិច្ចការក្នុងតំបន់អាស៊ីអាគ្នេយ៍ ដែលកំពុងតែប្រជែងគ្នានៅលើសមុទ្រចិនខាងត្បូង ដែលជាភូមិសាស្រ្តក្ដៅគគុកមួយនៃការព្យាយាមវាតទីឈរជើងពីបណ្ដាប្រទេសជាប់សមុទ្រនេះរៀងៗខ្លួន។ គួរឱ្យដឹងថា ក្រៅពីជំនួបជាមួយនាយករដ្ឋមន្រ្តីជប៉ុន លោក Prabowo Subianto ក៏បានជួបពិភាក្សាការងារជាមួយរដ្ឋមន្រ្តីការពារជាតិជប៉ុន Minoru Kihara ផងដែរ។ 

លោក Prabowo Subianto ដែលបច្ចុប្បន្នជារដ្ឋមន្រ្តីការពារជាតិឥណ្ឌូណេស៊ី នឹងត្រូវស្បថចូលកាន់តំណែងប្រធានាធិបតីបន្តពីលោក Joko Widodo នៅខែតុលាខាងមុខ៕



ព័ត៌មានជាច្រើនទៀតសម្រាប់អ្នក